ဖင်လန်နိုင်ငံသည် ဆွီဒင်နိုင်ငံနှင့် ရုရှားနိုင်ငံ နှစ်နိုင်ငံကြား၊ မြောက်ဘက်တွင် နော်ဝေးနိုင်ငံ၊ တောင်ဘက်တွင် အက်စ်တိုးနီးယားနိုင်ငံတို့ဝန်းရံလျက်ရှိပါသည်။ ကမ္ဘာ့မြေပုံတွင် ဖင်လန်နိုင်ငံသည် မြောက်ဘက်အစွန်းပိုင်းတွင် တည်ရှိပါသည်။ ဖင်လန်နိုင်ငံတွင် ပျမ်းမျှအားဖြင့် ၅.၄ သန်း လူဦးရေ နေထိုင်ကြပါသည်။ ဘာသာစကားမတူညီသည့် လူမျိုးများ ပျမ်းမျှ ၂၀၀ ၀၀၀ ကျော် ခန့်လည်း နေထိုင်ကြပါသည်။

ဖင်လန်နိုင်ငံတွင် ဥပဒေအရ ဘာသာရေးကို လွတ်လပ်စွာကိုးကွယ်ယုံကြည်ခွင့် ရှိပါသည်။ အဓိက ကိုးကွယ်ယုံကြည်မှု့အဖြစ် ခရစ္စယာန်ဘာသာကို အများဆုံးကိုးကွယ်ကြပါသည်။ အများဆုံးရှိသည့် ဘုရားကျောင်းများမှာ ဧ၀ံဂေလိဘာသာကို ကိုးကွယ်သည့် သူများ (၈၀%) ကျော်နှင့် သြသိုဒေါက်ဘာသာဝင်များ (၁%) တို့ ဖြစ်ကြပါသည်။ မွတ်စလင်ဘာသာဝင်များမှာ ထောင်ပေါင်း ဆယ်ဂဏန်းများစွာ နေထိုင်ကြပြီး၊ အခြားသော ဘာသာရေးကိုးကွယ်မှု့များဖြစ်သည့် ဥပမာအားဖြင့် ယေဟောဝါသက်သေခံများ၊ ဖင်လန်နိုင်ငံ လွတ်လပ်သော ဘုရားကျောင်းဘာသာဝင်များ၊ ကက်သလစ်ဘာသာဝင်များ နှင့် ဖင်လန်နိုင်ငံ အက်ဗန်တစ်ဘုရားကျောင်းတို့လည်း ရှိကြပါသည်။

၀၆၊ ၁၂၊ ၁၉၁၇ တွင် ဖင်လန်နိုင်ငံသည် လွတ်လပ်ရေး ရရှိခဲ့ပါသည်။ လွတ်လပ်ရေးမတိုင်မှီအထိ ဖင်လန်နိုင်ငံသည် ရုရှားနိုင်ငံ၏ အုပ်ချုပ်မှု့အောက်တွင် ၁၈၀၉ - ၁၉၁၇ အထိ ကျရောက်ခဲ့ပါသည်။ ထိုကြားထဲတွင် နှစ်အနည်းငယ်မျှ ဖင်လန်နိုင်ငံအနေဖြင့် ကိုယ်ပိုင်အုပ်ချုပ်ခွင့် ရသည့် အစိုးရတရပ်ကိုလည်း ဖွဲ့စည်းနိုင်ခဲ့ပါသည်။ ထိုသို့ ရုရှားအစိုးရ၏ အုပ်ချုပ်မှု့အောက်သို့ မရောက်မှီ ကာလက ဖင်လန်နိုင်ငံသည် ဆွီဒင်နိုင်ငံ၏ ပိုင်နက်အဖြစ် နှစ်ပေါင်း ၆၀၀ ခန့် တည်ရှိခဲ့ပါသည်။

ဖင်လန်နိုင်ငံသည် ဒီမိုကရက်တစ်သမ္မတ နိုင်ငံဖြစ်ပါသည်။ ဖင်လန်အစိုးရတွင် အဓိက အကျဆုံး ပုဂ္ဂိုလ်မှာ သမ္မတဖြစ်ပြီး၊ ထိုသမ္မတအား ၆ နှစ်လျှင် မဲဆန္ဒဖြင့် ရွေးချယ်ကြရပါသည်။ ပုဂ္ဂိုလ်တဦးအနေဖြင့် သမ္မတအဖြစ် အမြင့်ဆုံး နှစ်ကြိမ်သာ တာဝန်ထမ်းဆောင်ခွင့်ရှိပါသည်။

ဖင်လန်နိုင်ငံတွင် အသက် ၁၈ နှစ်ပြည့်ပြီးသည့် အမျိုးသား၊ အမျိုးသမီး အားလုံးသည် မဲဆန္ဒပေးခွင့်ရှိကြပါသည်။ အမျိုးသမီးများအနေဖြင့် ၁၉၀၆ ခုနှစ်တွင် မဲပေးခွင့် အခွင့်အရေးကို ရရှိခဲ့ကြပါသည်။ ကမ္ဘာပေါ်တွင် ပထမဆုံး အမျိုးသမီးမဲပေးနိုင်သည့် အခွင့်အရေးကို ပေးခဲ့သည့် တခုတည်းသောအစိုးရလည်း ဖြစ်ပါသည်။ ဖင်လန်နိုင်ငံတွင် အဖွဲ့အစည်း အမျိုးမျိုးရှိပြီး၊ ပါတီများအနေဖြင့် လတ်တလော အချိန်တွင် ၈ ခု ရှိပါသည်။

ဖင်လန်နိုင်ငံတွင် လွှတ်တော်၊ အစိုးရနေ့ရက်များ၊ ထိုရက်များတွင် ဖင်လန်နိုင်ငံ၏ ဥပဒေနှင့် အစိုးရအသုံးစရိတ် ဘတ်ဂျက်များကို တွက်ချက်ညှို့နှိုင်း သုံးသပ်ဆုံးဖြတ်ကြပါသည်။ ပြည်သူ့ကိုယ်စားလှယ်များအား လေးနှစ်လျှင် တကြိမ် မဲဆန္ဒဖြင့် ရွေးချယ်ကြပါသည်။ အစိုးရအနေဖြင့် လွှတ်တော်မှ ဆုံးဖြတ်ချက်များကို အကောင်အထည်ဖေါ်ခြင်းနှင့် အဆင်သင့်ပြင်ဆင်ခြင်းများကို ပြုလုပ်ပေးရပါသည်။ အစိုးရအဖွဲ့တွင် ၀န်ကြီးချုပ်နှင့် အခြားသော ၀န်ကြီးများ ပါဝင်ပါသည်။

ဖင်လန်နိုင်ငံတွင် မြို့ရွာများကို ခွဲခြား သတ်မှတ်ထားပြီး၊ ဌင်းမြို့ရွာများတွင် ကိုယ်ပိုင်မြူနီစပါယ် အုပ်ချုပ်ရေး အခွင့်အရေးရရှိပါသည်။ မြို့ရွာများတွင် နေထိုင်သူများထံမှ မြို့ရွာအခွန်များကို ကောက်ခံနိုင်သည့် အခွင့်အရေးရှိပြီး၊ ထိုအခွန်များဖြင့် မြို့ရွာများ၏ အသုံးစရိတ်ကို ခွဲခြမ်းသတ်မှတ်ကြပါသည်။ မြို့ရွာ မြူနီစပါယ်အစိုးရများ၏ ၀တ္တရားများမှာ နေထိုင်သူများအတွက် ၀န်ဆောင်မှု့များ ဥပမာအားဖြင့် ကျန်းမာရေး- နှင့် လူမှု့စောင့်ရှောက်ရေး ၀န်ဆောင်မှု့များနှင့် အခြေခံပညာရေးတို့ကို လူတိုင်းရရှိစေရန်အတွက် ဖြစ်ပါသည်။

သစ်တောလုပ်ငန်းမှာ လက်ရှိခတ်ကာလမှာပင် အလွန်အရေးကြီးသော အသက်မွေးဝမ်းကြောင်းလုပ်ငန်းအဖြစ် ဖင်လန်နိုင်ငံ၏ စီးပွားရေးတွင် အရေးပါလျှက်ရှိပါသည်။ ရှေးယခင်ကာလကမူ အလွန်ပင်အရေးကြီးသည့် စီးပွားရေးလုပ်ငန်းတခုလည်း ဖြစ်ပါသည်။ သစ်တောများအား ဖင်လန်နိုင်ငံ၏ ရွှေစိမ်းအဖြစ်ပင် တင်စားခေါ်ဝေါ်ကြပါသည်။ ဖင်လန်နိုင်ငံအကျယ်အ၀န်းအများစုမှာ သစ်တောများ ဖုံးလွှမ်းလျှက်ရှိပါသည်။ လယ်ယာကဏ္ဍမှာလည်း အရေးကြီးသော အသက်မွေးဝမ်းကြောင်း လုပ်ငန်းဖြစ်ပါသည်။ သို့သော်လည်း စက်ပိုင်းဆိုင်ရာ ဖွံ့ဖြိုးတိုးတက်မှု့များကြောင့် ထိုလုပ်ငန်းဖြင့် အသက်မွေးဝမ်းကြောင်းသူများမှာ ဖင်လန်နိုင်ငံသားများထဲတွင် အနည်းငယ်သာ ရှိပါတော့သည်။

၁၉၅၀ ပြည့်နှစ်များတွင် စက်မှု့လုပ်ငန်းသို့ ဖင်လန်နိုင်ငံသည် ပြောင်းလဲခဲ့ပါသည်။ စက်မှု့လုပ်ငန်းဖွံ့ဖြိုးတိုးတက်မှု့များကြောင့် ဖင်လန်နိုင်ငံသည် ဥရောပ စီးပွားရေးဖွံ့ဖြိုးတိုးတက်မှု့အညီ လိုက်ပါနိုင်ခဲ့ပါသည်။ အသိအမှတ်ပြုနိုင်သည့် စက်မှု့လက်မှု့ ဖွံ့ဖြိုးတိုးတက်ခဲ့သည့် စီးပွားရေးလုပ်ငန်းမှာ ဥပမာအားဖြင့် သဘောင်္များ တည်ဆောက်ခြင်း- နှင့် သစ်တောနှင့် သက်ဆိုင်သည့် စက်မှု့လုပ်ငန်းများ ဖြစ်ပါသည်။ လွန်ခဲ့သည့် ဆယ်စုနှစ်များအတွင်း ကွန်ပြူတာ အတတ်ပညာဖွံ့ဖြိုးတိုးတက်မှု့များသည် သိသာထင်ရှားစွာ ဖွံ့ဖြိုးတိုးတက်မှု့များဖြစ်ပေါ်ခဲ့ပြီး၊ ယခုနှစ်ပိုင်းများတွင် ဂိမ်း ကစားသည့် လုပ်ငန်းများလည်း တိုးတက်အောင်မြင်မှု့များ ရှိခဲ့ပါသည်။ ထင်ရှားသည့် အသက်မွေးဝမ်းကျောင်းလုပ်ငန်းများအဖြစ် ဖင်လန်နိုင်ငံတွင် ကွန်ပြူတာနည်းပညာများ- နှင့် ၀န်ဆောင်မှု့လုပ်ငန်းများ လုပ်ကိုင်ကြပါသည်။

ပြောင်းရွှေ့အခြေချနေထိုင်သူများသည်လည်း ဖင်လန်နိုင်ငံသားများကဲ့သို့ပင် အခွင့်အရေးနှင့် ၀တ္တရားများ အတူတူပင်ဖြစ်ပါသည်။ အခြေချပြောင်းရွှေ့နေထိုင်သူများတွင် မိမိကိုးကွယ်သည့်ဘာသာကို လွတ်လပ်စွာ ကိုးကွယ်ခွင့်ရှိပြီး၊ ပြက္ခဒိန်တွင် သတ်မှတ်ထားသည့် မိမိရိုးရာဓလေ့ထုံးတမ်းစဉ်လာများနှင့် ဘာသာရေးသတ်မှတ်ချက်များတွင် ပျော်ပွဲရွှင်ပွဲများ ကျင်းပနိုင်ပါသည်။ ပြောင်းရွှေ့အခြေချနေထိုင်သူများအနေဖြင့် ဘာသာရေးဆိုင်ရာ အဖွဲ့အစည်းများကို တည်ထောင်ထားကြပြီး၊ တွေ့ဆုံရာသတ်မှတ်ထားသည့် နေရာ၊ အဆောက်အဦးများတွင် စုရုံးကြကာ စုပေါင်းဆွေးနွေးတိုင်ပင်သည့် အစည်းအဝေးများကို ဖင်လန်နိုင်ငံတ၀ှမ်းတွင် ကျင်းပနိုင်ကြပါသည်။ ဖင်လန်နိုင်ငံသားအများစုသည် ပြောင်းရွှေ့အခြေချနေထိုင်ကြသူများအပေါ်တွင် ဖေါ်ရွှေလိုလားစွာ ဆက်ဆံကြလေ့ရှိပါသည်။ အနည်းငယ်သော လူများက မလိုလားမှု့များကို ပြသကြသည်လည်း ရှိပါသည်။ သို့သော် ဖယ်ကျဉ်ခြင်းနှင့် နှိမ်ချဆက်ဆံခြင်းများကို ဥပဒေဖြင့် ဖင်လန်နိုင်ငံတွင် တားမြစ်ထားပါသည်။

လက်ဆွဲနုတ်ဆက်ခြင်း နှင့် ခေါင်းညိတ်နုတ်ဆက်ခြင်းမှာ ဖင်လန်နိုင်ငံတွင် များသောအားဖြင့် ပြုလုပ်သည့် နုတ်ဆက်ခြင်း ပုံစံဖြစ်ပါသည်။ ရင်းနှီးခင်မင်သော သူငယ်ချင်းမိတ်ဆွေများနှင့် ဆွေမျိုးသားချင်းတို့ နုတ်ဆက်ရာတွင် တယောက်နှင့် တယောက် ဖက်ရမ်းနုတ်ဆက်ခြင်း ပြုလုပ်နိုင်ကြပါသည်။ မြို့ကြီးများတွင် ပုံမှန်အားဖြင့် ရင်းနှီးခင်မင်သည့် မိတ်ဆွေများမှ လွှဲ၍ အခြားသောသူများကို နုတ်ဆက်ခြင်း ပြုလုပ်လေ့မရှိကြပါ။ တခါတရံ မျက်လုံးဖြင့် ကြည့်ခြင်း၊ ပြုံးပြခြင်းများဖြင့်သာ နုတ်ဆက်လေ့ ရှိပါသည်။

ဖင်လန်နိုင်ငံသားများသည် များသောအားဖြင့် လူစိမ်းများဖြင့် ဆက်ဆံရာတွင် သတိကြီးကြီးထားပြီး ပြောဆိုဆက်ဆံလေ့ရှိကြပါသည်။ ထို့ကြောင့်ပင် ဖင်လန်နိုင်ငံသားများအား အစပိုင်းတွင် အလွန်တိတ်ဆိတ်ငြိမ်သက်သောလူမျိုး နှင့် ပျင်းရိငြီးငွေ့ဖွယ် လူများအဖြစ် ထင်မှားခြင်း ခံရပါသည်။ များသောအားဖြင့်လည်း ဖင်လန်နိုင်ငံသားများသည် လူအများနှင့် ပြုလုပ်လေ့ရှိသည့် အစည်းအဝေးပွဲများတွင် မိမိစကားပြောဆိုခွင့်ကို တောင်းဆိုခြင်းများ အလွန်ပင် နည်းပါးလှပါသည်။ သို့သော် ပြောစရာရှိသည်များကို ပွင့်ပွင့်လင်းလင်းနှင့် တိုတိုတုတ်တုတ် ပြောဆိုလေ့ရှိပါသည်။

တန်းတူ- အခွင့်အရေးနှင့် တရားမျှတမှု့ ရှိစေရေးမှာ ဖင်လန်နိုင်ငံသားများအတွက် အလွန်အမင်းအရေးကြီးသည့် တန်ဖိုးထားမှု့ ဖြစ်ပါသည်။ ထို့အပြင်လည်းပဲ ဖင်လန်နိုင်ငံသားများသည် ရိုးသားမှု့နှင့် ကတိစကားများကို အလေးအနက် လိုက်နာကျင့်သုံးခြင်းကို တန်ဖိုးထားကြပါသည်။ အလုပ်လေးစားခြင်းနှင့် ကြိုးစားမှု့များကိုလည်း တန်ဖိုး အလွန်ထားကြပါသည်။ အချိန်တိကျခြင်းနှင့် နာရီများကို အတိအကျချိန်းဆို သတ်မှတ်ခြင်းမှာလည်း လိုက်နာရန် အရေးကြီးကြောင်း ပြောဆိုကြပါသည်။

ဖင်လန်နိုင်ငံသား အများစုသည် အရက်သေစာ သောက်စားခြင်းကို တော်တော်များများ ကြိုက်နှက်သက်ကြပြီး အထူးသဖြင့် သတင်းပါတ်ကုန်ရက်များနှင့် ပျော်ပွဲရွှင်ပွဲ နေ့ရက်များတွင် သောက်စားခြင်း ပြုကြပါသည်။ ထိုသို့သော အပြုအမူများကြောင့် ပြောင်းရွှေအခြေချနေထိုင်သူများအနေဖြင့် အံ့အားသင့်ခြင်း၊ စိတ်ညစ်ညူးခြင်း ဖြစ်စေနိုင်ပါသည်။ အရက်အလွန်အကျွံသောက်စားခြင်းများကြောင့် ပြည်သူအများစုတွင် ရောဂါများ ဖြစ်ပွားမှု့ရှိပြီး မိသားစုအတွင်းတွင်လည်း ပြဿနာအခက်အခဲများ ဖြစ်ပွားပါသည်။

ဖင်လန်နိုင်ငံတွင် ရှင်းရှင်းလင်းလင်း တနှစ်လျှင် ရာသီဥတုလေးမျိုးရှိပါသည်။ နွေဦးပေါက်ရာသီ၊ နွေရာသီ၊ ဆောင်းဦးပေါက်ရာသီနှင့် ဆောင်းရာသီတို့ဖြစ်ကြပါသည်။ နိုင်ငံတွင်းရှိ ဒေသများကို လိုက်၍ ရာသီဥတုအပြောင်းအလဲမှာ အလွန်ပင်ကွာခြားမှု့များ ရှိပါသည်။ ဖင်လန်နိုင်ငံမြောက်ပိုင်းဒေသများသည် ဖင်လန်နိုင်ငံတောင်ပိုင်းဒေသများထက် အေးခဲခြင်းကို ရင်ဆိုင်ရပါသည်။